گنج پن کا علاج دریافت ہوگیا!

Image result for ‫گنج پن‬‎

بہت جلد ایک کریم یا روغن گنجن پن کا علاج یا بالوں کو سفید ہونے سے روک سکے گا۔ یہ دعویٰ امریکا میں ہونے والی ایک طبی تحقیق میں سامنے آیا۔ یو ٹی ساﺅتھ ویسٹرن میڈیکل سینٹر کی تحقیق درحقیقت کینسر کی رسولیوں کی تشکیل کے حوالے سے تھی مگر محققین نے حادثاتی طور پر وہ خلیات دریافت کرلیے جو بال بنانے اور انہیں سفید کرنے کا باعث بنتے ہیں۔

محققین کا کہنا تھا کہ اگرچہ یہ کام یہ جاننے کے لیے تھا کہ کچھ مخصوص اقسام کی رسولیاں کیسے بنتی ہیں، مگر ہم نے جانا کہ بال کس طرح سفید ہوتے ہیں اور ان خلیات کی دریافت کی جو کہ بالوں کی نشوونما بڑھاتے ہیں۔ انہوں نے کہا کہ اس معلومات کے ساتھ ہمیں توقع ہے کہ مستقبل میں ایسا طریقہ کار تشکیل دیا جاسکے گا جو کہ گنج پن کے علاج میں مددگار ثابت ہوسکے گا۔

تحقیق میں یہ بات سامنے آئی کہ KROX20 نامی پروٹین جو کہ عام طور پر اعصاب کی نشوونما سے متعلق سمجھا جاتا ہے، جلدی خلیات میں تبدیلی لاتا ہے جو کہ بالوں کی افزائش کا باعث بنتا ہے۔ یہی خلیات ایک پروٹین ایس سی ایف بناتے ہیں جو کہ بالوں کی رنگت کے لیے ضروری ہوتا ہے۔ تحقیق کے دوران جب چوہوں میں ایس سی ایف کو جینز سے خارج کیا گیا تو بال سفید ہوگئے، جبکہ KROX20 کو نکالنے کے بعد بالوں کی افزائش رک گئی اور چوہے گنجے ہوگئے۔

اب محققین اس حوالے سے مزید تحقیق کرکے دریافت کرنے کی کوشش کریں گے کہ یہ دونوں عوامل کس طرح عمر بڑھنے سے اپنے افعال سست یا رک جاتے ہیں، جس کے نتیجے میں بال سفید یا گنج پن نمایاں ہوجاتا ہے۔ یہ تحقیق جریدے جینز اینڈ ڈویلپمنٹ میں شائع ہوئی :-

اپنی رائے کا اظہار کریں

Your email address will not be published. Required fields are marked *