یمن میں بڑا حملہ، خواتین اور بچوں سمیت 20 افراد جاں بحق!

 سعودی اتحاد نے یو این کی پرواز روک دی، جہاز امدادی کارکنوں اور اخباری نمائندوں کو لینے جارہا تھا،صنعا ہوائی اڈہ پر باغیوں کا قبضہ فوٹو؛ فائل

صنعا -یمن میں سعودی عسکری اتحاد کے فضائی حملے میں بچوں اور خواتین سمیت 20 شہری جاں بحق اور متعدد زخمی ہو گئے، غیر ملکی میڈیا کے مطابق یمنی حکام نے بتایا کہ مغربی صوبے تعز کے ضلع موزع میں طیارے نے ایک گاڑی کو نشانہ بنایا، زخمیوں کی تعداد نہیں بتائی گئی تاہم ان میں کئی خواتین اور بچے بھی شامل ہیں۔

اقوام متحدہ کے ذرائع نے بھی اس حملے کی تصدیق کر دی ہے، بتایا گیا ہے کہ ہلاک شدگان میں سے اکثر ایک ہی خاندان کے ارکان تھے، حکام کے مطابق ملک کے مغربی حصے میں متاثرہ افراد بظاہر جنگ سے بچنے کے لیے وہاں سے فرار ہونے کی کوشش کر رہے تھے جب ان کی گاڑی بمباری کا نشانہ بنی، بتایا گیا ہے کہ زخمیوں میں خواتین اور بچے بھی شامل ہیں اور ہلاکتوں میں اضافے کا خدشہ ہے۔

دوسری طرف اقوام متحدہ نے کہا ہے کہ سعودی اتحاد نے دارالحکومت صنعا کے لیے اقوام متحدہ کی ایک پرواز کو روک دیا ہے، یاد رہے کہ صنعا کا ہوائی اڈہ حوثی باغیوں کے قبضے میں ہے اور یہ جہاز دارالحکومت سے امدادی کارکنوں اور بعض اخباری نمائندوں کو واپس لینے کے لیے جا رہا تھا :-

اپنی رائے کا اظہار کریں

Your email address will not be published. Required fields are marked *