حالیہ دہشت گردی میں غیر ملکی عناصر کا ہاتھ ہے، آرمی چیف

آرمی چیف نے جنرل اسپتال میں فیروز پور روڈ پر دھماکے کے زخمیوں کی عیادت بھی کی۔ فوٹو: فائل

 لاہور -آرمی چیف جنرل قمر جاوید  باجوہ کا کہنا ہے کہ دہشت گردی کے خلاف ہم سب نے مل کرجنگ لڑی اور  دہشت گردی کے ایسے واقعات ہمارے حوصلے پست نہیں کرسکتے جب کہ حالیہ دہشت گردی میں غیر ملکی عناصرکا کردار ہے۔

لاہور میں آرمی چیف جنرل قمر جاوید باجوہ کی زیر صدارت امن وامان کی صورتحال پر اعلی سطحٰ کا اجلاس ہوا جس میں آرمی چیف کو گزشتہ روز لاہور میں ہونے والے دھماکے اور اہم سیکورٹیمعاملات سمیت پنجاب میں آپریشن رد الفساد میں اب تک ہونے والی پیش رفت سے آگاہ کیا گیا۔

ترجمان پاک فوج کے مطابق آرمی چیف نے کہا کہ  ہم بطور قوم دہشت گردی کے خلاف لڑے ہیں اور اب تک دہشت گردی کے خلاف ہم سب نے مل کر جنگ لڑی جب کہ دہشت گردی کے ایسےواقعات ہمارے حوصلے پست نہیں کرسکتے۔ انہوں نے کہا کہ پاک فوج پولیس اور دیگر قانون نافذ کرنے والے اداروں کے ساتھ کھڑی ہے جب کہ عوام مشکوک سرگرمی کی اطلاع  دے کردہشت گردی کے خلاف جنگ میں کردار ادا کرسکتے ہیں۔

 پاک فوج کے سربراہ کا کہنا تھا کہ پاکستان اور افغانستان دونوں دہشت گردی کا شکار ہیں، لاہور اور کابل میں ایک ساتھ دھماکے ظاہرکرتے ہیں دہشت گرد دونوں کے دشمن ہیں جب کہ غیرملکی عناصرافغان سرزمین استعمال کرتے رہے تو دونوں ممالک متاثررہیں گے۔ انہوں نے کہا کہ حالیہ دہشت گردی میں غیر ملکی عناصرکا کردار ہے جب کہ ہم دہشت گردی کے ماسٹرمائنڈز، سہولت کاروں کے رابطے توڑنے میں کامیاب رہے ہیں۔
View image on TwitterView image on TwitterView image on TwitterView image on Twitter
آرمی چیف نے کہا کہ جیسے پاکستان نے اپنی سرحدوں پر دہشت گردوں کی پناہ گاہوں کا خاتمہ کیا ویسے ہی افغانستان کے سرحدی علاقوں سے دہشت گردوں کی پناہ گاہیں ختم کرنے میں ان کی مدد کے لیے تیار ہے۔ اس سے قبل آرمی چیف قمر باجوہ نے لاہور پہنچنے کے بعد جنرل اسپتال کا بھی دورہ بھی کیا جہاں انہوں نے فیروز پور روڈ پر دھماکے کے زخمیوں کی خیریت دریافت کی۔

واضح رہے کہ گزشتہ روز فیروزپور روڈ پر ارفع کریم ٹاور کے قریب خودکش دھماکے کے نتیجے میں 9 پولیس اہلکاروں سمیت 26 افراد شہید اور 52 سے زائد زخمی ہوگئے تھے :-

اپنی رائے کا اظہار کریں

Your email address will not be published. Required fields are marked *