افغانستان سے پاک فوج کی چوکیوں پر حملہ، کیپٹن اور سپاہی شہید

باجوڑ ایجنسی میں پاک فوج کی چیک پوسٹوں پر دہشت گردوں کے حملے میں پاک فوج کے کیپٹن اور ایک سپاہی شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق باجوڑ ایجنسی میں سرحد پار افغانستان سے دہشت گردوں نے پاک فوج کی چیک پوسٹوں پر حملہ کیا جس کے نتیجے میں پاک فوج کے کیپٹن جنید حفیظ اور سپاہی رحم شہید ہوگئے۔


شہید ہونےو الے کیپٹن جنید حفیظ(دائیں) اور سپاہی رحم (بائیں)، فوٹو؛ آئی ایس پی آر

شہید ہونےو الے کیپٹن جنید حفیظ(دائیں) اور سپاہی رحم (بائیں)، فوٹو؛ آئی ایس پی آر

آئی ایس پی آر کے مطابق پاک فوج کی جانب سے دہشت گردوں کے حملے پر بھرپور جوابی کارروائی کی گئی جس میں 8 سے 10 دہشت گرد ہلاک ہوگئے جب کہ کئی زخمی دہشت گرد افغانستان بھی فرار ہوگئے۔

آئی ایس پی آر کا کہنا ہےکہ افغان سرحد سمیت دیگرعلاقوں میں افغان حکومت کی رٹ نہیں ہے، سرحد پر افغان حکومت کا کنٹرول نہ ہونے سے دہشت گرد حملے میں آسانی ہوتی ہے۔

’پاکستان افغان سرحد کے پار سیکیورٹی نہ ہونے کی قیمت ادا کررہا ہے‘

ڈی جی آئی ایس پی آر میجر جنرل آصف غفور نے کہا ہے کہ پاکستان افغان سرحد کے پار سیکیورٹی نہ ہونے کی قیمت ادا کررہا ہے، آج مزید 2 جوانوں نے جام شہادت نوش کیا۔

انہوں نے کہا کہ پاکستان نے اپنے حصے کا کام کیا اور تمام علاقہ کلیئر کرا لیا، افغانستان کی طرف تمام فریقین کو مزید کوششیں کرنے کی ضرورت ہے۔

ان کا کہنا تھا کہ پاکستان نے افغان سرحد کے قریب باڑ لگائی اور نئی پوسٹیں بنائیں۔

ڈی جی آئی ایس پی آر نے کہا کہ سرحدکے دونوں اطراف فورسز اور شہریوں کی جانیں قیمتی ہیں، افغانستان بارڈر سیکیورٹی میں اضافہ کرے۔

پاک فوج کے ترجمان نے کہا کہ افغانستان میں دہشتگردوں کی پناہ گاہوں کےخاتمے کی ضرورت ہے۔

اپنی رائے کا اظہار کریں

Your email address will not be published. Required fields are marked *