سوال اٹھ رہے ہیں کیا پاکستان کے عوام بھی غدار ہیں، نوازشریف

لاہور: مسلم لیگ (ن) کے تاحیات قائد نوازشریف کا کہنا ہے کہ غداری جیسا سنگین الزام ناقابل تصور ہے اور سوال اٹھ رہے ہیں کیا پاکستان کے عوام بھی غدار ہیں۔ 

سابق وزیراعظم نوازشریف کی جانب سے غداری کیس میں لاہور ہائی کورٹ میں جمع کیے گئے جواب کی کاپی ایکسپریس نیوز کو موصول ہوگئی جس میں مسلم لیگ (ن) کے تاحیات قائد نے موقف اختیار کیا کہ غداری جیسا سنگین الزام ناقابل تصور ہے جب کہ میرے ذہن میں کئی سوال اٹھ رہے ہیں، کیا پاکستان کے عوام بھی غدار ہیں۔

عدالت میں جمع کروائے گئے جواب میں نوازشریف کا کہنا تھا کہ ضمنی انتخابات میں سب سے زیادہ ووٹ ملے، کیا یہ الزام کروڑوں پاکستانیوں پر نہیں، مجھے وزیراعظم بنانے والے کروڑوں پاکستانیوں کی حب الوطنی مشکوک ہے، کیا ملک کو ناقابل تسخیر بنانے والا غدار ہوتا ہے، کیا ملک کو دہشتگردیسے نجات دینے والا غدار ہوتا ہے۔

نوازشریف نے کہا کہ پاکستان کی سب سے بڑی عدالت نے ایک ڈکٹیٹر کے اقدام کو غیر آئینی قراردےکر غداری  کا مقدمہ چلانے کا کہا، اس مقصد کے لیے خصوصی عدالت بنی، کسی کو معلوم ہے کہوہ ڈکٹیٹر کہاں ہے، کب سے وہ پاکستان کے نظام انصاف کا مذاق اڑا رہا ہے، وقت آگیا ہے کہ کسیشہری کی پاکستانیت کی توہین کو بھی قابل سزا جرم قرار دیا جائے۔

اپنی رائے کا اظہار کریں

Your email address will not be published. Required fields are marked *