جوس کا انجیکشن لگا کر موت کو دعوت دے دی!

چین میں ایک عورت اس وقت تقریباً موت کے منھ میں پہنچ گئی جب اس نے خود کو صحت مند بنانے کے لیے پھلوں کے جوس کا انجیکشن لگایا۔

حکام کا کہنا ہے کہ اکیاون سالہ اس خاتون کا جگر، پھیپڑے، گردے اور دل بری طرح متاثر ہوئے ہیں اور انہیں پانچ دن تک انتہائی نگہداشت میں رکھا گیا ہے۔

ہسپتال کے عملے کے مطابق انجیکشن میں بیس طرح کے پھلوں کا رس تھا۔

چین میں سوشل میڈیا پر لوگوں کا خیال تھا کہ اس واقعے سے ظاہر ہوتا ہے کہ لوگوں میں بنیادی صحت سے متعلق معاملات میں آگہی کتنی کم ہے۔

انجیکشن لگنے کے بعد اس خاتون کی جلد میں کھجلی پیدا ہوئی اور بخار تیزی سے بڑھنے لگا جس کے بعد بائیس فروری کو انہیں ہسپتال میں بھرتی کیا گیا۔ علاج کے بعد انہیں ہسپتال سے رخصت کر دیا گیا۔

اپنی رائے کا اظہار کریں

Your email address will not be published. Required fields are marked *