شام پر امریکی حملہ درست اقدام ہے، پرویز مشرف

واشنگٹن -سابق صدر پرویز مشرف نے دورہ امریکا کے دوران جارج واشنگٹن یونیورسٹی میں خطاب کیا، پاک بھارت تعلقات کے حوالے سے انہوں نے کہا دونوں ملکوں کے درمیان مذاکرات کے ذریعے ہی امن قائم ہو سکتا ہے،انہوں نے امریکا پر زور دیا کہ بھارت کے ساتھ دوستی میں پاکستان کی سلامتی کو پیش نظر رکھیں، بھارتی جاسوس کلبھوشن یادو کو پھانسی کا فیصلہ قانون کے مطابق ہے، انہوں نے کہا بھارت نے پانی روکنے کی کوشش کی تو اسے جنگ تصور کیا جائے گا۔

دہشتگردی کے حوالے سے سابق صدر کا کہنا تھا پاکستان خود دہشت گردی کا شکار ہے، دہشت گردی کو جڑ سے اکھاڑنے سے ہی امن قائم ہو سکتا ہے۔ خطے میں امن کیلئے امریکا،افغانستان اور پاکستان کو مل کر کام کرنا ہو گا، افغانستان میں امن خطے میں حالات بہتر کر سکتا ہے۔ پاکستان چین تعلقات پر کسی کو پریشان نہیں ہونا چاہیے،عالمی معاملات پر گفتگو کرتے ہوئے سابق صدر مشرف نے کہا کیمیائی ہتھیار استعمال کرنے کی وجہ سے شام پر امریکا کا حملہ درست ہے :-

اپنی رائے کا اظہار کریں

Your email address will not be published. Required fields are marked *