شاہ رخ خان کی ہالی وڈ فلم میں کام کرنے کی انوکھی شرط!

بریڈ ریٹنر اور شاہ رخ خان نے سان فرانسسکو انٹرنیشنل فلم فیسٹیول میں ملاقات کی — فوٹو/ فائل

کیا آپ کو یاد ہے ہالی وڈ فلم ساز بریڈ ریٹنر نے حال ہی میں بولی وڈ اداکار شاہ رخ خان سے ملاقات کی تھی؟ ہالی وڈ فلم ’دی ایکس مین: دی لاسٹ اسٹینڈ‘ کے ہدایت کار بریڈ ریٹنر نے شاہ رخ خان سے 60ویں سان فرانسسکو انٹرنیشنل فلم فیسٹیول میں ملاقات کی، جہاں انہوں نے اپنی فلم ’رش ہار‘ کے سیکوئل بنانے کی امید خواہش ظاہر کی۔

انہوں نے شاہ رخ خان کو بھی اس فلم میں کام کی آفر دی۔ اور فلم فیئر کی رپورٹ کے مطابق ہوسکتا ہے کہ شاہ رخ خان اس فلم میں کام کرنے کی رضامندی بھی دے دیں۔

شاہ رخ خان نے اس فلم میں کام کرنے کی صرف ایک ہی شرط رکھی ہے اور وہ یہ کہ فلم کی شوٹنگ ہندوستان میں کی جائے۔

انہوں نے کہا ’میں نے بریڈ سے ایک درخواست کی، کہ رش ہار کی شوٹنگ ہندوستان میں کی جائے چاہے میں اس فلم میں کام کروں یا نہ کروں، ہوسکتا ہے میں فلم میں اداکاری نہ کروں اس کی پروڈکشن کا حصہ بن جاؤں، لیکن ایسا تب ہی ہوگا جب اس کی شوٹنگ ہندوستان میں ہوگی‘۔ اگر شاہ رخ خان اس فلم میں اداکاری کے رضامند ہوگئے تو یہ ان کی پہلی ہالی وڈ فلم ہوگی۔

اس وقت شاہ رخ خان اپنی بولی وڈ فلم ’رہنما‘ کی شوٹنگ میں مصروف ہیں جس میں ان کے ہمراہ انوشکا شرما مرکزی کردار ادا کررہی ہیں :-

اپنی رائے کا اظہار کریں

Your email address will not be published. Required fields are marked *