عائشہ گلالئی کے خلاف مقدمہ درج ، گرفتاری کی درخواسست

tari

لاہور (مانیٹرنگ ڈیسک) پاکستان تحریک انصاف کو خیر باد کہنے والی عائشہ گلا لئی کے سنگین الزامات کے بعد لاہور کی مقامی عدالت نے رکن قومی اسمبلی عائشہ گلا لئی کے خلاف اندراج مقدمہ کی درخواست سماعت کے لئے منظور کرتے ہوئے تھانہ ماڈل ٹائون سے 8اگست کو تفصیلی رپورٹ طلب کر لی ۔ گزشتہ روز سیشن کورٹ میں ایڈیشنل سیشن جج رفاقت علی گوندل نے کیس کی سماعت کی ۔درخواست تنزیلہ خان نے سلیم چوہدری ایڈوکیٹ کی وساطت سے دائر کی جس میں کہا گیا ہے کہعائشہ گلا لئی نے پاکستان کی خواتین اور پاکستان کی سیاست سے منسلک خواتین کے تقدس کو بھی پامال کیا ہے ،عائشہ گلا لئی کے بیانات سے خواتین کے جذبات مجروح ہوئے۔لہٰذا معزز عدالت سے استدعا ہے کہ عائشہ گلا لئی کے خلاف مقدمہ درج کرکے انکوائری کا حکم دیا جائے اور انہیں گرفتار کیا جائے ۔ جس پر عدالت نے درخواست کو سماعت کے لیے منظور کرتے ہوئے تھانہ ماڈل ٹائون سے 8اگست کو تفصیلی رپورٹ طلب کر لی ۔

اپنی رائے کا اظہار کریں

Your email address will not be published. Required fields are marked *