پاکستان نے سری لنکا کو وائٹ واش کردیا

پاکستان نے پانچ میچوں کی ون ڈے سیریز میں سری لنکا کو وائٹ واش کرکے ٹیسٹ سیریز کا حساب برابر کردیا۔
شارجہ میں کھیلے گئے 5 ویں اور آخری ایک روزہ میچ میں عثمان خان کی شاندار بولنگ کے بدولت سری لنکا کی پوری ٹیم 27ویں اوور میں 103 رنز پر پویلین لوٹ گئی جب کہ پاکستان نے مطلوبہ ہدف باآسانی ایک وکٹ کے نقصان پر 21ویں اوور میں پورا کیا۔
قومی ٹیم کی جانب سے امام الحق اور فخرزمان نے 84 رنز کا عمدہ آغاز کیا تاہم فخر صرف 2 رنز کی کمی سے اپنی نصف سنچری مکمل نہ کرسکے، ان کی اننگز میں 7 چوکے شامل تھے جب کہ امام الحق 45 اور فہیم اشرف 5 رنز پر ناٹ آؤٹ رہے۔
پاکستان کی جانب سے عثمان شنواری نے شاندار بالنگ کرتے ہوئے 5 کھلاڑی آؤٹ کیئے جب کہ حسن علی اور شاداب خان نے 2، 2 وکٹیں حاصل کیں اور ایک کھلاڑی رن آؤٹ ہوا۔عثمان شنواری کو شاندار بولنگ پر مین آف دی میچ سے نوازا گیا جب کہ حسن علی کو ٹورنامنٹ کا بہترین بولر قرار دیا گیا۔

اپنی رائے کا اظہار کریں

Your email address will not be published. Required fields are marked *