گوگل نے پاکستان میں وائس نیوی گیشن متعارف کروادی

Navigation

کراچی - گوگل نے آخر کار پاکستان میں بھی آواز اور تصاویر پر مبنی نیوی گیشن سسٹم متعارف کرادیا ہے جس کےذریعے استعمال کنندہ اپنا راستہ تلاش کرسکیں گے۔ جی پی آر ایس اور رئیل ٹائم لوکیشن کے تحت یہ نظام آپ کو خودکار انداز میں منزل پہنچانے کے لیے ہدایات دیتا ہے اور اس موڑ در موڑ احکامات آواز کے ذریعے سنے جاسکتے ہیں فی الحال اس کا بی ٹا ورژن لانچ کیا گیا ہے اور کسی بھی اینڈروئڈ فون پر اسے استعمال کیا جاسکتا ہے۔

اس سے پہلے کا سسٹم گوگل اسٹور پر دستیاب تھا جس میں صرف بنیادی فیچرز تھے اور وائس گائیڈینس کی سہولت موجود نہیں تھی۔ اب اس ایپ میں بہت بہتری کی گئی ہے۔ فون کا اسکرین نیوی گیشن لانچ کرنے کے بعد روشن رہتا ہے اور وائس کمانڈ یوزر کو ٹریفک، موڑ اور دیگر تفصیلات سے آگاہ کرتی رہتی ہے۔ اگر ڈرائیور غلط موڑ لیتا ہے تو نیوی گیشن سسٹم ازخود الرٹ کرتا ہے۔ اگرچہ ایک عرصے سے یہ دنیا کے کئی ممالک میں عام استعمال ہورہا ہے لیکن اب پاکستان میں بھی دستیاب ہے۔ ایپل اسٹور سے ڈاؤن لوڈ کرنے کے بعد اسے انٹرنیٹ کنیشن ، فون انٹرنیٹ کنیکشن اور وائی فائی سے ایکٹو کیا جاسکتا ہے۔

اسے استعمال کرنے کا طریقہ بہت آسان ہے:

1: جس جگہ جانا ہو اسے گوگل پر سرچ کریں اور راستے کی تفصیلات کے لیے کار کے آئی کن پر تھپتھپائیں ( ٹیپ) کریں۔ 2: وائس گائیڈڈ نیوی گیشن کے ذریعے نیوی گیشن استعمال کریں اور سفر شروع کریں۔ آپ راستے کا جائزہ لینے والے آپشن کا انتخاب بھی کرسکتے ہیں۔

اپنی رائے کا اظہار کریں

Your email address will not be published. Required fields are marked *